کربلا میں امام حسین اور انکے ساتھیوں کا چہلم منانے کے لئے زائرین جمع ہونا شروع ہو گئے ہیں۔ تکفیری دہشت گرد تنظیم داعش نے کربلا کے زائرین پر دہشت گردانہ حملے کی سازش تیار کی تھی لیکن عراق کی مسلح تنظیم حشد الشعبی نے داعش کی اس سازش کو ناکام بنا دیا ہے۔ حشد الشعبی کی جانب سے جاری ایک بیان میں بتایا گیا ہیکہ خفیہ ذرائع سے ملی معلومات کی بنیاد پر داعش کے خلاف ایک بڑی کاروائی کرتے ہوئے امام حسین کے عقیدت مندوں پر گھات لگا کر حملے کرنے کی پلاننگ کو عین موقع پر ناکام بنادیا گیا۔
ذرائع کے مطابق جنوبی بغداد میں حشد الشعبی نے داعش کے خلاف یہ کاروائی کی۔ امام حسین کے عقیدت مندوں کو تحفظ فراہم کرنے کے لئے حشد الشعبی نے ایک آپریشن کمان قائم کی ہے جو ملک اور دیگر ملکوں سے کربلا آنے والے زائرین کی کربلا سے واپسی تک اپنی سرگرمیاں جاری رکھےگی۔ داعش نے گھات لگا کر زائرین کو نشانہ بنانے کی منصوبہ بندی کی تھی تو حشد الشعبی نے بھی گھات لگا کر داعش کے دہشت گردوں پر حملہ کیا۔
ماہ صٖفر کی بیس تاریخ کو کربلا میں امام حسین اور انکے بہتر ساتھیوں کا چہلم منایا جائےگا۔
