عید میلاد النبی کے موقع پر ایک شاندار جلوس شہر اورنگ آباد میں برامد ہوا۔ میلادالنبی کمیٹی کی قیادت میں حضرت نظام الدین چوک سے جلوس میلاالنبی نکالا گیا ۔ اس سے قبل ہوئے جلسے میں میلادالنبی کمیٹی کے چیئرمین ڈاکٹر شیخ مرتضی ٰ نے جلوس محمدی کی تاریخ اور مقصد بیان کیا۔
انہوں نے کہا کہ جلوس محمد ی میں بلا لحاظ مذہب و ملت تمام مذاہب و مکاتب فکر کے لوگ شرکت کرتے ہیں ۔ پیغمبر اسلام حضرت محمد کی تعلیمات کو عام کرنا جلوس کا مقصد ہے ۔ جلوس محمدی شہر کے مختلف مقامات سے گزر کر نظام الدین چوک پر اختتام پذیر ہوا۔
۔جلوس محمدی کا یہ سلسلہ پچھلی تین دہائیوں سے جاری ہے ۔ اس موقع پر پولیس کمشنر نکھل گپتا نے تمام عاشقان رسول کو مبارکباد پیش کی اور نیک خواہشات کا اظہار کیا ۔
