دہلی میں کورونا کے معاملوں میں اضافہ ہورہا ہے لیکن وزیر اعلیٰ کیجری وال نے لاک ڈاؤن کے امکان کو مسترد کردیا ہے۔ حالات کا جائزہ لینے کے لئے کیجری وال دہلی کے سب سے بڑے کورونا اسپتال ایل این جے پی پہونچے۔ وہاں انہوں نے میڈیاسے بات کرتے ہوئے کہا کہ حالات پر قابو پانے کے لئے زیادہ سے زیادہ لوگوں کو ویکسین دینے کی ضرورت ہے اور وائرس کو پھیلنے سے روکنے کی ضرورت ہے۔ انہوں نے کہا کہ اسپتال منیجمنٹ کو بھی درست کرنے کی ضرورت ہے۔ انہوں نے کہا کہ کورونا معاملے کم ہونے کے سبب سسٹم میں کچھ سستی آگئی تھی جسے دور کیا جارہا ہے۔
